Tronditet Man City, Rodri raportohet se do të humbasë sezonin pas lëndimit ndaj Arsenalit

Mesfushori i Manchester Cityt, Rodri duket se do t’i mungojë skuadrës për një kohë të gjatë.

Burime për ESPN kanë konfirmuar se mesfushori ka lënduar rëndë ligamentit e gjurit, me ç’rast ai pritet të humbasë pjesën e mbetur të sezonit.

28-vjeçari u desh të largohej në minutën e 21-të, duke u zëvendësuar me Kovacic.

Ndeshja mes Arsenalit dhe Man Cityt u mbyll 2-2 dje në Etihad, me një gol të barazimit nga vendasit në minutën e fundit të kohës shtesë.