Kryetari i PSD-së, Dardan Molliqaj ka thënë se politikat e kryeministrit Albin Kurti po e çojnë Kosovën drejt izolimit.
Duke komentuar deklaratat e Manuel Sarrazinit se ushtarët gjermanë nuk do të largohen nga ura e Ibrit, Molliqaj ka shtuar se Kosova po mbetet pa partneritet dhe pa sovranitet.
“Brenda 2 ditësh i kemi 2 ngjarje, njëra me figurë, tjetra me fjalë. Të dyjat e thonë të njëjtën gjë: ura u përforcua”, ka shkruar Molliqaj.
“Të mërkurën e pamë policinë e Kosovës duke u zmbrapsur, sigurisht jo për fajin e tyre. Sot e keni të artikuluar: Sarrazin po thotë: “…me ushtarët tanë nuk largohemi nga ura”. Tentimi i dështuar për ta hapur është betonim i urës së mbyllur. Sarrazin e tha edhe një gjë tjetër, të tjerët do të vazhdojnë me integrimet ndërkohë që ju e izoloni vetveten”, ka shkruar ai.
“Shumë prej nesh që kemi qenë kritik për aventurat në veri, e kemi pritur se i tillë do të jetë fati i aventurave. Ku po shkojmë sot? Drejt izolimit. Pa partneritet, pa sovranitet!”
