Kreu i PDK-së, Memli Krasniqi, ka folur lidhur me rritjen e çmimit të rrymës.
Ai ka shpjeguar se fatura e tij e rrymës ka arritur në 368 euro, një shumë që e barazon me këstin e një kredie të madhe.
Ai shtoi se kjo situatë është një çmenduri, duke theksuar se çmimi i rrymës në dimër ka arritur deri në 120 euro maksimumi, në vitet e kaluara dhe kjo është hera e parë që ndodhin rritje kaq drastike.
“368 më ka ardhur fatura e rrymës sa një këst i kredisë. Jam vetë i pesti në familje. 200 metra e kam krejt, nxehem me kaldajë të thjeshtë dhe nuk lëshohet tërë kohën. Më shtrenjtë rryma se një këst i një kredie të madhe.
Krejt lagjia ime ka pak a shumë çmime të njëjta. Kurrë s’ka qenë kështu, në dimër të ftohtë ka qenë çmimi deri 120 euro maksimumi. Është çmenduri”, u shpreh Krasniqi.
